صحيفة نبض الشعب الاسبوعيه رئيس التحرير جعفر الخابوري

#الاحساس نعمه
دي صوره ومتعمد تكون غير معلومه الملامح
بجد بقي شيئ مستفز جدا
ظهور اكثر من بلوجر
بيتكلم عن الاكل باستفزاز لمشاعر الناس وياسلام
البط والسجق ولا الكفته ياه علي الطعم
وبقوا كمان منهم الثنائي اللي حد يتكلم والثاني يلحن علي كلامه
وبصرف النظر عن تقيمكم للاكل اللي معظمه ليس له علاقه بالتقييم الصحيح غير انكم اما اخذتم فلوس او معزومين بلوشي
علشان تقولوا الكلمتين دول ودا مش موضعنا
اللي بجد مش لاقي له تفسير
هو انتوا عايشين معانا بجد وعاملين تفتحوا في ورقه لحم ومشهيات ومشويات وحمام
بجد حاسين بالناس وظروفها
ولا اللي بيقدم جردل سي فوود وسفره ثمنها حاليا مش اقل من ١٠ الاف جنيه
ولا جاروف مشويات وعمال يرقص بكرشه
زي بالضبط عمر اديب لما بيستضيف مطعم عنده في البرنامج وياكل بشرهه وكأنه اول مره يشوف اكل
ياجماعه اعملوا اعلان عن المطعم بمقابل دا حقكم علشان معاكم استاف بيصور ويمنتج وفي بعض منكم معاه فريق اكيله لايقلعن ٣٠او ٤٠ فرد علشان يبين ان المطعم شغال وفي ناس موجوده واحيانا بيستمر هذا الكم ٣ او ٤ ايام حسب الاتفاق علشان لما ناس تدخل المطعم تلاقي فيه عملاء كل الكلام دا عارفينه وان مبالغكم لاتقل عن ٢٠ الي ٥٠ الف علي حسب عدد المتابعين علي صفحتك وطبعا كل الاكل دا ببلاش ومن حق المطعم انه يدور علي حد يروج له اكله
لكن بلاش تكلوا قدام الناس بالطريقه دي
في ناس كتير محرومه وناس كتير بتبات من غير ماتتعشي ومن غير ماتكون اتغدت اساسا
طيب خافوا علي نفسكم من الحسد
اه الحسد لان المحروم هايحسدك وهايقول كمان كلام كله وجع خارج من جواه
واوجه رساله الي اصحاب المطاعم اللي بتعمل رفيوهات كتير وتجيب بلوجرز
جرب تتاجر مع الله
جرب كل يوم تطلع ٣ وجبات ل ٣أسر في بيوتهم عنده عفه
لايسألون الناس الحافا
جرب تتاجر مع الله
طيب جرب تاكل الاستاف اللي عندك من اكلك دا مره او مرتين في الاسبوع
والاصناف الغاليه اوي مره كل شهر او شهرين
جرب ان دا يكون ابتغاء رضي الله والبركه في مطعمك وتجارتك
ياعم اذا مانفعش روح هات البلوجر وخليهم يستفزوا الناس
كام مطعم في مصر
لوكل مطعم تكفل ب٣ عائلات فقيره فقر مدقع
كل عائله مرتين في الاسبوع اظن الحال هايتغير
هاعمل مبادره للمطاعم
تكفل ب٣ وجبات لاسره يوميا وابحث عليهم وياريت يكون منظمه عمل اهليه تعمل حصر لهذه العائلات
ويكون كل دا مجاني
يعني اللي هايشتغل فيهابدون مقابل تطوع يعني
ودي هاتكون مبادره
ممكن نعملها بشكل مصغر
كل منطقه مجموعه من الشباب يتطوع بهذا العمل ويعمل حصر لهؤلاء ويروح للمطاعم يعرض عليها الفكره ويكون الموضوع اختياري وليس الزامي
حسوا بالناس شويه