صحيفة نبض الشعب الاسبوعيه رئيس التحرير جعفر الخابوري

بقدم إعتذاري لكل فلاح إتقال له في يوم
انت فلاح و جاي من ورا الجاموسه
بقدم إعتزاري وبقولك :
أيوه أنت الأهم و أنت سيد الناس .
إرجع وأنت فخور و مرفوع الراس .
إرجع والله أنت الأصل والأساس .
إرجع إزرع أرضك وراعي الجاموسه والحمار .
إرجع إبنى فرنك البلدي من جديد في وش الدار .
إرجع ربي الخروف و الفرخه والبطه والوزه
إرجع إنتج البيضه والجبنه و القشطه والزبده .
إرجع إنتج القمح والشعير والرز البلدي بتاع زمان .
ارجع وازرع داير الارض باميه و فول وفلفل وبتنجان .
ارجع وابني فوق السطح برج حمام وجنبه جرة مش .
ارجع ابوس ايدك اكلنا اتسمم وبقا كله غش ف غش .
ضحكوا علينا ب لانشون و فيتا و فلامنك .
خلو عشيتنا طعمها ماسخ و ضنك ف ضنك .
فراخ بيضا لا ليها طعم ولا فيها ثمره و كمان متهرمنه .
ولحوم و زيوت وسمنه بقلة الضمير متصنعه .
إرجع كلنا بنعتذر لك وبنقولك بجد إحنا أسفين
وبنعتذر لبرج الحمام و للجاموسه وللأرض والطين تابعنا ليصلك كل جديد ايمن علي