صحيفة نبض الشعب الاسبوعيه رئيس التحرير جعفر الخابوري

كنت راكب اتوبيس السيده عايشه السلام
وراجل عجوز طلع يركب من عند نادي السكة ومصدق ركب وكان هيموت من الحر 🥵
وفرح بالتكييف وقعد جه الكمسري قاله التذكرة ب10 ونص جنيه
الراجل زعل وقاله معيش غير 3 جنيه والله خلاص متأسف هنزل. .. فجأة لقيت أغلب الاتوبيس خدو بالهم من الموقف و واحدة ست قالته اقعد يا حج انا هدفعله
وكذا واحد قال انا الي هدفعله والناس كلها بتحلف إنها هيا الي هتدفع وبقي في حماس وتسابق علي مين هيدفع للراجل 🫶
راح الكمسري قال طيب طلاما الكل هيدفعلو بقي قام لم من الناس كلها الفلوس بتاعة التذكرة
كان مبلغ حوالي 200 جنيه
وأخد الاجرة بتاعة الاتوبيس وادي باقي المبلغ للراجل العجوز
والناس كلها مبسوطة من التعاون في الخير كأنه مشهد سينمائي مؤثر .. حقيقي كان نفسي اصورة فيديو
بلدنا جميلة بأهلها
الراحمون يرحمهم الله 🤍🤲