مجلة كشف الحقائق الاسبوعيه رئيس التحرير جعفر الخابوري

من المتعارف عليه في الوسط السينمائي أن المخرجين بيحبوا يظهروا في الأفلام اللي بيخرجوها وده بيكون نوع من أنواع توثيق المرحلة العمرية لمسيرتهم أو بيظهروا مجاملة لاصدقاءهم المخرجين وده بيحصل كتير جداً  فهتلاقي مثلاً يوسف شاهين طلع بنفسه بمشهد واحد في أكثر من فيلم من اخراجه من اول ابن النيل واسكندرية ليه وحدوته مصرية  أو لمخرجين آخرين زي مشهده الأشهر مع إسماعيل يس في فيلم اسماعيل ياسين في الطيران للمخرج فطين عبدالوهاب لكن النهاردة حابب اجيب صورة لاتنين من أهم مخرجي السينما في فترة الثمانينات وهما نادر جلال ومحمد خان من فيلم واحدة بواحدة (الفنكوش) للمخرج نادر جلال ورغم أن الفيلم فيلم تجاري بحت ومستواه الفني بيتأرجح ما بين المتوسط والمتواضع _وانا بتكلم من حيث القيمة الفنية_ لكن بيظل هو الفيلم الوحيد اللي جمع بين أفضل مخرجي الجيل في مشهد واحد.
في المشهد ده هتلاقي نادر جلال هو اللي ماسك الكاميرا وبيقوم بدور مدير تصوير ومحمد خان هو اللي عامل مخرج الإعلانات.

#فيلم_يستحق_المشاهدة