- إنتَّ متهم بتقاضي رشـ ـوة والتربح من خلال وظيفتك الحكومية يا سيد أمين
= أنا غلبان يا سعادة البيه
- إنتَّ متصور صوت وصورة وانت بتاخُد بقيت المبلغ يعني القضية لبساك لبساك .. مفيش داعي للإنكار أخدت رشـ ـوة ولا لأ ؟
= غصـ ـب عني يا سعادة البيه ، والله غصـ ـب عني الدنيا كانت ملطشة معايا ومش عارف أعيش كنت مُضطر .. والمُضطر بيركب الصعب
- مفيش أصعب من فسـ ـاد الذمم والأخلاق .. ولا إيه يا سيد أمين ؟
= عارف ، عارف والله يا سعادة البيه ، أنا كنت عايش بما يُرضي الله وكافي خيري شري وراضي باللي باعته ربنا ، بس مش ذنبي ، أنا ترس في مكنة والمكنة كلها مصدية يعني كان لازم الصدا ياكُلني ، حضرتك لو حطيت تفاحة بايظة جوة قفص سليم القفص كله هيبوظ ويعفن .. شوفوا مين اللي ساب التفاح البايظ في القفص لغاية القفص كله ما باظ
- يعني إنتَّ معترف إنك أخدت رشـ ـوة ؟
= هو أنا بس اللي باخُد يا سعادة البيه ؟! ما البلد كلها بتاخُد ، من كبيرها لصغيرها بياخُد ، الكل فتح الدورج ومستني صاحب السبوبة اللي هيرمهاله صاحب المصلحة ، هو في حد عايش بمرتبه النهاردة ؟! قبل ما تحاسبونا إحنا يا بيه حاسبوا الكبار اللي باعونا برخص التراب وخدوا عملات بملايين ولا هو اللي في البلادي مالوش ضهر لازم يضـ ـرب على بطنه لحد ما يمـ9ت ؟!
- ماتكتبش الكلام ده يابني .. عم أمين حاسب على كلامك بدل ما تلبس قضية تانية غير الرشـ ـوة
= مابقتش تفرق معايا يا بيه ، أنا خلاص رايح في داهـ ـية رايح في داهيـ ـة ، بس سايق عليك النبي دوروا على راس التِعبان وأقطعـ ـوها دوروا على الكُبار اللي خدوا الغموس من قدامنا وخلونا نسأل الله في حق الرغيف الحاف ومش لاقينوا .. دوروا عليهم خلصوا البلد منهم عشان الغلابة اللي زي حالاتنا إحنا يعرفوا يعيشوا
"آدم - ٢٠١١"
موضوع: صحيفة نبض الشعب الاسبوعيه رئيس التحرير جعفر الخابوري 
السبت سبتمبر 16, 2023 6:58 am