صحيفة نبض الشعب الاسبوعيه رئيس التحرير جعفر الخابوري

زجاجة الدقة السرية لعربية الفول

بناكل طبق الفول على العربية وبنشوف الراجل ماسك إزازة بلاستيك مخرومة من قدام ويقوم دايس عليها تروح باااظة حاجة فى الطبق كده تخللى طعم الفول حلو أوى هى دى بقى إزازة الدقة واللى ناس كتيرررر بتسأل عن مكوناتها
خللى السحور فى رمضان يبقى أحلى واحلى

عشان كده جبنالكم مكوناتها بالكامل وطريقة عملها بكل السهولة
المقادير لزجاجة واحدة ..

- اتنين كوب ماء
- نص كوب عصير ليمون
- فنجان خل
- معلقة كبيرة أو معلقتين ثوم مفروم ( الكمية حسب الرغبة)
- معلقة كبيرة كزبرة ناشفة مطحونة
- معلقة كبيرة شطة
- معلقة صغيرة كمون
- معلقة كبيرة ملح
لغاية هنا خلصت مكونات الدقة الأصلية
دول بقى مكونين من عندى أنا لو حبيت تجرب
هنضيف مع اللى فات ..
- معلقة صغيرة سكر
- ثلاث معالق كبيرة زيت

طريقة التحضير ..

هنستخدم إزازة (يفضل من الزجاج) وهندوب التوابل كلها مع المية والخل والليمون ونضيف عليهم الثوم ونرجها كويس

تريكة مهمه عشان طعمها يبقى حلو ، نسيبها تعتق فى التلاجة على الأقل قبلها بساعتين
وخلاص كده بالهنا والشفا
شير بقى وانفع غيرك ماتاكلش طبق الفول لوحدك
#الفول_مو
Mo Shihata
#mo_shihata_kitchen