صحيفة نبض الشعب الاسبوعيه رئيس التحرير جعفر الخابوري

توفيق الدقن " كان زعلان جداً من عدم ترشيحه لأداء دور في فيلم الرسالة اللي أخرجه مصطفى العقاد وحذفه من قائمة الممثلين بعد ما كان مرشحه لتمثيل أحد الادوار المهمة ف الفيلم ...

بعد نجاح الفيلم بفترة قام احد رجال الأعمال بعمل حفلة كبيرة للفيلم وكان من ضمن المدعوين المخرج مصطفى العقاد و توفيق الدقن ..

راح توفيق الدقن على الطاولة التي كان يجلس عليها المخرج مصطفى العقاد وبدون تحية قال له : ممكن اسأل سؤال محيرني يا استاذ مصطفى .. لمواخذه هو انا ليه مكنش ليا دور ف فيلم الرسالة وانا فنان مصري ومعروف زي ما انته عارف وسمعتي زي البرلنت؟!

فطلب المخرج مصطفى العقاد من الفنان توفيق الدقن أن يهدأ ويجلس كي يسترسل حديثة معه فرفض الدقن الجلوس وهو ينتظر الاجابة منه امام الموجودين بالحفل..

فقال العقاد: استاذ توفيق انت فنان بارع وهذا امر لايختلف عليه إثنان ولكن تعرف خصوصية الفيلم اسلامي ديني وانت ادوارك يعني فيها الشخص اللعوب الحرامي البلطجي السكير غير الملتزم)..!!…… ..

فرد الدقن بشكل ساخر وكوميدي كالعادة وامام الحضور : والله عال العال يعني انت كنت خايف على سمعة الإسلام مني مش كدة .!!

فقال العقاد : عفواً استاذ توفيق الامر ليس كما تظن

فقال الدقن: اظن ايه يااااأستاذ ما الرسالة وصلت .. يا أخي كنت اخذتني مع الكفار طيب لما انا سئ السمعة وانا راضي .. ولا تكونش خايف على سمعة الكفااااار كمان وانا مش دريان امه عجايب .. هو توفيق الدقن بقى خطر على سمعة المسلمين والكفار كمان طيب حتي خليني ابو لهب

يقول احد الصحفيين ممن حضر الواقعة إن القاعة ضجت بالضحك واولهم المخرج الراحل مصطفى العقاد.