صحيفة نبض الشعب الاسبوعيه رئيس التحرير جعفر الخابوري

صليت الفجر ورجعت لقيت ٨ مكالمات لم يرد عليها على تليفوني
اتصلت علشان أشوف مين المتصل يمكن حد محتاج حاجة ضروري
لقيته راجل كنت أنا وهو اتكلمنا من حوالى سنة ونص
علشان كان عايز ياخد قرض ويعمل مشروع معين يوسع شغله
ووقتها نصحته كتير وقولتله والله القرض هيدمرك
ومفيش حد خد قرض وحياته بقيت أحسن
_________________________________
لقيته قالى انا بيتى اتخرب ومهدد بالسجن
قال بعد كلامك معايا سألت الشيخ الفلاني وقال عادى مادام مضطر
بعدها انا خدت قرض وزوجتى خدت قرض (بقيت طليقته)
قال ومن يومها والله وانا فى مشاكل معرفش بتيجى منين
عملت حادثة وتم تغريمى ٢٠٠ الف جنيه تصليح عربية
زوجتى حصل بينى وبينها مشاكل بسيطة واتطلقنا وخدت كل حاجه
الشغل اللى كنت جايب علشانه القرض حصلت فيه مشكلة وخسرنا شغل ب٥٥٠ الف جنيه فى اسبوع
مبقاش حد عايز يتعامل معاه بالرغم من إن سعره احسن من غيره
وحكى حاجات طبعا مش هينفع اكتبها
_________________________
زوجته بقى اللى هى بقيت طليقته
اتنصب عليها من واحده صاحبتها فى مبلغ ٣٥٠ الف جنيه
اتحبست علشان كانت ضامنه نفس صاحبتها اللى نصبت عليها فى شغل وإيصالات أمانه وغصب عنها سددت ١٨٠ الف جنيه
قامت بشراء شقة وطلعت الشقة تم بيعها اكتر من مره
________________________
الراجل بيقولى بيوتنا اتخربت
والقرض دمر بيوتنا
ومش عارفين نسدد البنك ولا عارفين نعيش زى ما كنا عايشين
مش لاقى حل غير الانتحار
حقيقى مش عارف اعمل حاجه
_____________________________
ده مختصر المكالمة مع واحد عرف إن القرض حرب مع الله ورسوله ..

‘‘ قال الله :-
يَا أَيُّهَا الَّذِينَ آمَنُوا اتَّقُوا اللهَ وَذَرُوا مَا بَقِيَ مِنَ الرِّبَا إِن كُنتُم مُؤمِنِينَ * فَإِن لم تَفعَلُوا فَأذَنُوا بِحَربٍ مِنَ اللهِ وَرَسُولِهِ وَإِن تُبتُم فَلَكُم رُؤُوسُ أَموَالِكُم لاَ تَظلِمُونَ وَلاَ تُظلَمُونَ ﴾

نصيحة لله أوعي تأخذ قرض تحت أي ظرف