صحيفة نبض الشعب الاسبوعيه رئيس التحرير جعفر الخابوري

حكاية حصان
الحصان اللي على اليمين هو نفسه اللي على الشمال، ومش زي ما انت فاهم أنه جار عليه الزمن وعجز وكده..... لا لا أبدا. بالعكس الحصان تعب شويه وكان مع عربجي لا بيفهم في الخيل ولا في أي حاجه الا في القرش اللي بييجى من ورا العربية والحصان.
العربجي رماه بعد ما زهق من أكله، وفهم أنه خلاص مافيش منه فايده. الحصان شافه مرمي بين الحياة والموت واحد بيفهم في الخيل وعنده مزرعة تربية خيول. نزل من عربيته وبعت جاب عربية مجهزة نقل فيها الحصان. عالجه ونضفه ورباه عنده، واتضح أن الحصان في عز شبابه وفصيله نادرة. تمنه يساوي اكتر من ثلاثمائة ألف دولار ، ونسله إذا تزوج من فرسة اصيله، المهر ابنهم يساوى أكثر من مائة الف.
الحكاية مش انت أيه؟!
الحكاية أنت مع مين؟! وعارف قيمتك ولا لأ

فرق كبير اوووي بين العربجي والخيال

((يصح اسقاطها على العمل ..على الزواج..على الصداقات ..على كل الحياه ...انتبه جيدا ..مع من مستقبلك...