صحيفة نبض الشعب الاسبوعيه رئيس التحرير جعفر الخابوري

هايات اعزائي التلاتة اربعة اللي بيقرو كلامي اخرت عليكم اعذروني تعالو نخوض في موضوع مهم للغاية والا هو عن
الموووو
"مو صلاح لا لا لاح اجيبشن كينج "
ولكن. هنا مش هنتناول الشخص نفسه بل ما اسميه تآثير المو
تعالى احكيلك بس كده باختصار شديد عن حياة صلاح
صلاح من مواليد مواليد 1992/6/15 اي ان عمره31 من مواليد قرية نجريج مركز بسيون محافظة الغربية
لعب ل3 للشباب وهما
1-اتحاد بسيون
2- عثماثون طنطا
3- المقاولون العرب لحد 2010 وهنا صعد للفريق الاول
وتعالى اقولاك احصائيات صلاح بشكل سريع
كده
صلا بدأ مشواره كلاعب محترف مع نادي المقاولون. ولعب 44. ماتش سجل فيهم 12. هدف على مدار سنتين وجالو عرض من نادي بازل. السويسري لعب معاه 79 ماتش وسجل 20 هدف خلال موسمين. في احد الماتشات صلاح في مباراة ضد مين ايوا بالضبط النادي المحبب الى قلب ابو تريكة تشيلسي الماتش على ملعب تشيلسي ستامفورد بريدج والنتيجة 1-1 وراح فتح واحده اسبرينت كده في الدقيقة 87 يحط جووول في واحد من أفضل حراس المرمى في التاريخ بيتر تشيك وهنا يقرر مورينيو يتعاقد مع اللاعب وانتقل صلاح الى تشيلسي لكي يؤدي 2 من اسوء مواسمة في التاريخ بل هم الاسوء بسبب ان مورينيو مكنش بيلعبو وفضل اللاعب البرازيلي آن ذاك ويليان صلاح خلال السنتين دول لعب 19. ماتش سجل فيهم هدفين نكسا بكل معنى الكلمة وهنا يقرر النادي اعارة صلاح لنادي فيورنتينا الإيطالي ولعب معاهم 26 ماتش وسجل 9.اهداف فيقرر النادي إعادة اللاعب ولكن طريقه صلاح مش راكبة مع تشيلسي خالص فيرجع اعارة تاني للدوري الإيطالي ولكن المراضي عن طريق مين ها ها ها ايوا زي ما جه في بالك روما ولعب معاهم 42ماتش وسجل 15 فيقرر روما يشتري عقده من تشيلسي ويقدم موسم موسم افضل من اللي قبله لعب 41 ماتش سجل 19 وصنع11 هدف وهنا مين اللي عينو تقع على صلاح يورجن كلوب مدرب نادي ليفربول فيطلب التعاقد معاه والصفقة تمت 40مليون يورو اي ما يعادل آن ذاك مليار جنيه مصري تخيل انو يجي وقت يبقى عندنا لاعب قيمتة كده وهنا كانت بدايت النجاح الحقيقي صلاح قدر في خلال السنين اللي قضاها مع ليفربول يجبلهم كل البطولات الممكنة عن النادي زي دوري ابطال اللي كان غايب عن النادي من 2005 وكأس العالم للأندية لاول مره في تاريخه والدوري اللي كان غايب عن النادي لمده 30 وكأس الاتحاد والدرع الخيرية والسوبر الأوروبي صلاح منذ مشاركه مع ليفربول ولحد النهاردة هو اكتر لاعب سجل في الدوري الانجليزي خلال اخر 7 سنين واكتر مساهمه تهديفيه واصبح واحد من هدافي ليفربول التاريخين وحقق الحذاء الذهبي 3 مرات وجائزة بوشكاش لأفضل هدف ووصل ترتيبة في الكرة الذهبية لرقم3 وكان يستحق افضل في السنة دي ولكن فعلها بيريز واشترى الكرة الذهبية لصاحب 3 اهداف آن ذاك ورغم. اصابته في بعد اول موسم ليه الا انو قدر يرجع افضل من الاول وكمل ومازال مكمل بمستوى قوي جدا وبقى اللاعب الحاسم لأي ماتش واي فرقة بتعمله الف حساب بيب جوارديولا نفسه في افض موسم ليه السنة اللي فاتت مع السيتي وارعب نسخة للنادي على مدار تاريخه بلع من الليفر والفضل يرجع لصلاح طيب طيب انت لحد دالوقتي متكلمتش عن نظرية الموووو وعمل تلكلكل عن صلاح هات اللي عندك
المو هي اختصار لظاهرة صلاح
صلاح متولدش في بوقو معلقة دهب بل انو بدأ مشواره من تحت الصفر في مجال صعب جدا حتى لو كان عندو الموهبة
فمجال تعم فيه الفوضى والمحسوبية وشدة فقر صلاح في الوقت ده هتقعد تعدلي وتقولي رونالدو وميسي ووووووو. الخ كانو فقرة اه كانو فقرا لكن هما. في بلاد بيتنفسو كورة. أندية ملكها اصحاب نظرات ثاقبة بيشمو الاطفال أصحاب المواهب شم كده شم من على بعد اميال بمجرد ما تدخل نادي تأدي الاختبارات هب انت عديت طالما في موهبة. هناك اصحاب عقول أصحاب تفكير سليم انا هاخد الموهبة وهي هتجبلي الفلوس مش زي عندنا اهم اخد الفلوس وان شاءالله عن امه ما فلح طيب يا غبي ما انت هتاخد اللاعب الموهبة هتصرف عليه الفاات تلاقي ملاييين. المهم نرجع لمرجعنة صلاح في احد البرامج بيحيكي لما كان رايح يقدم في نادي المقاولون ملقاش حته يبات فيها هو ووالده فباتو ورا باب النادي في الشتا تخيل انت سيادتك بتبقى نايم على مرتبة فايبر ولحاف فايبر ولو حد قالك اح..م
ردك بردان. مهو بص ربك مش بيكرم من فراغ اللي فيه صلاح ده مش من قليل. اجتهاده الشخصي والمجهود اللي بيبزله كبيرة فلازم دي تكون النتيجة واديك شايف صلاح بقى مثال يحتذى به في الوطن العربي كله واصبح. يدعى بفخر العرب ورقم واحد في تاريخ الكرة العربية بيلا منازع. مش كده وبس. تآثير صلاح وصل لبعيد فبقينا بنشوف لعيبة كتير مصريه بتعمل انجازات حتى لو مش بنفس القوة زي تريزيجيه اللي رجع بعد إصابته بالرباط الصليبي. بقى مصنف تالت اسرع لاعب في العالم. وزي مصطفى محمد اللي بقى بيسجل صواريخ عابرة للقارات مش اهداف في الدوري الفرنسي وقيس على كده في كل المجالات بقى رمز للنجاح والتفوق والجد والاجتهاد والمثابرة دالوقتي اي حد عايز ينجح في اي مجال بقى بيتخيل نفسه صلاح في المجال
والحقيقة السبب في ده كله هي عقلية صلاح وخير دليل على كده هو رفضه لعقد من طرف الاتحاد السعودي يحلم بيه اي لاعب في العالم بارقام فلكية ولكن صلاح فضل استكمال صناعة الانجازات وكتابة التاريخ والاموال بيتجي بعدين طيب طيب عرفنة ان صلاح شخصية ملهمة وناجح وبلا بلا بلا. خلاصتو انت. عايز تقول ايه
الخلاصه يا اخويا اني عاوز اقولك. عافر دوس على نفسك واجري وارا الحاجة لحد ما تحققها. صدقني تعبك مش هيروح على الفاضي اجتهد هات اخرك تحلى بالصفات المثلاة زي انك تكون مبدع ملهم متحفز دايما لهدفك معلم طموح مبادر متحمس شجاع مغامر من اجل احلامه مطلع على ما هو جديد فيما يخص المجال اللي هو فيه هتقولي اصلا انا مش عارف احقق حلمي هنا والظروف والبلد هقولك سافر هتقولي الغربة والوطن. بص يا حبيبي ابو الفتح البستي في بداية الدولة العباسية اي قبل 1000 سنة تقريبا وقبل ما يكون فيه العدد المهول ده من الدول قال ايه بقى
قال "ان نبت بك اوطان نشأت بيها
فارحل فكل بلاد الله اوطان"
نصيحتي لك الأخيرة شد يدك واتكء على بعضك وقم
ومتنساش قول الله سبحانه وتعالى في كتابه الكريم
﴿ وَأَنْ لَيْسَ لِلْإِنْسَانِ إِلَّا مَا سَعَى (39) وَأَنَّ سَعْيَهُ سَوْفَ يُرَى (40) ثُمَّ يُجْزَاهُ الْجَزَاءَ الْأَوْفَى (41)﴾
وشكراً واسف على الإطالة الموضوع كان يستحق وشكرا مره تانيه لحسن قراءتكم
#_مش_عارف_انام
#_رسائل_لن_تصل
#_كتاباتي_0_8