صحيفة نبض الشعب الاسبوعيه رئيس التحرير جعفر الخابوري

عايز تتجوز يبقى تعرف انت عايز مراتك يبقى شكلها ايه من الاول
- متروحش تتقدم لواحده تخينه وتتخطبوا وتقولها معلشي لازم تخسي علشان نتجوز
- متروحش لواحده بتحط ميكب وتقولها لا متحطيش ميكب اصل انا بغير
- متروحش لواحده بتلبس بناطيل وتقولها لا معلش انا بحب مراتي ملتزمه البسي جيبه وعبايه
- متروحش لواحده بتخرج وبتتفسح وبتنزل براحتها وتقولها لا انا بحب خطيبتي تقعد في البيت
- متروحش لواحده مثقفه وفاهمه الدنيا ودماغها كبيره وبتشتغل وتقولها لا انا عاوز مراتي ست بيت اقعدي من الشغل
-متروحش لواحدة اجتماعية و بتحب الناس و تطلب منها تسيب اصحابها و ناسها تبقى
انطوائية و ليك لوحدك
- متروحش لواحده رفيعه وتقولها اتخني انا بحب الست المليانه
متروحش لواحده طويله وتقولها متلبسيش كعب علشان ببقى اقصر منك
كفايه مرازيه في خلق الله عايز حاجه روحلها بلاش تتعب حد معاك وتدخل البيت وتضايق الناس لاسباب تافهه وروح بص لشكلك في المرايه وبص لعيوبك الي هي قبلتك بيها ولو بتحبها يبقى حبها زي ماهيا كدا بعيبها بشكلها بحجمها باسلوبها بطبعها بدماغها متقولش لا اللي بيحب بيتغير علشان حبيبه لان في واحدة ممكن تموت فيك وتعشقك ولمجرد انها مش مقتنعه ولا متعوده على الي بتطلبه منها مبتتغيرش ولا هتعرف تتغير فتخليها تبعد عنك لانها من النوع الي لو ملقاش نفسه صح مش هيطيق العيشه معاك اصلا هي مش صلصال حتشكله زي ما انت عايز كل واحده ليها معتقدات واسلوب تربيه وتعودت على حاجات وناس نشأت وسطهم ودماغ وتفكير مأثر على كل حاجه فيها زيك تماما..وغالبا البنات دي بتكون واضحه جدا من الاول المشكله ان انت الي مكنتش واضح مع نفسك ولا مع بنات الناس انت كده بتظلمها وداخل تضيع سنين من عمرها وفي الاخر هتخرب حياتها بسبب خراب دماغك وانك مفكرتش من الاول صح يا تحب الشخص بكل ما فيه يا تسيبه خالص وتروح تتبع اسلوب الجواز التقليدي الي بتختار فيه الي انت عاوزها بالشكل الي يناسب ميول سعادتك متروحش لحد ضد ميولك خالص وتروح تبوظ حياته وتكرهه في نفسه بطلوا مرازيه في خلق الله ومن الاول شوف انت عاوز ايه ورايح فين بالضبط