صحيفة نبض الشعب الاسبوعيه رئيس التحرير جعفر الخابوري

الحقيقة والسراب .. باسم ومنال

مسلسل الحقيقة والسراب اصلا اصلا كان لنادية الجندي .. بس اعتذرت بعد الاتفاق وقبض العربون عشان اختلفت مع المخرج مجدي ابو عميرة والمؤلفة سماح عبد المنعم الحريري.

دور باسم ابو السعود الشهير بماما يا ستي .. اصلا كان احمد عز اللي هيعمله بس ساعتها .. شركة تانية كلموه اتفقوا معاه يعمل مسلسل مع يسرا "ملك روحي" اللي يسرا كانت عاملة فيها تسريحة ماكدونالدز .. فساب المسلسل فـ جابوا احمد سعيد عبدالغني .. الباد بودي بتاع الدراما المصرية وقتها.

فيفي عبده مكانتش طايقة سمية الخشاب في المسلسل ... ومرة قالتلها قدام الكاميرا يا زرقا .. ودا مش مكتوب في السيناريو ... سمية انهارت وقعدت تعيط .. وهي اللي اخترعت اسم بنت رمزية جلابية.. ودا بشهادة المؤلفة.. وقالت إن المسلسل كانت كواليسه صراع بين الاتنين.

مفاجأة بقى .. داليا مصطفى هي اللي كانت عاملة دور منال اصلا .. وبعدين كلموها على مسلسل اسمه البنات .. فسابت المسلسل بعد ما صورت كام يوم .. وراحت لمسلسل البنات لأنها شايفة أنه هينجح اكتر .. وسبحان الله الحقيقة والسراب ينجح والبنات دا محدش شافه غيري انا وشريف سلامة جوز داليا مصطفى.

مي عز الدين كانت بتعمل دور سلوى اللي هي " ريهام عبد الغفور" ... ولما مشيت داليا مصطفى قالت لمجدي ابو عميرة ممكن اعمل دور منال.. بصلها كدا بكل حنية .. وقالها لا طبعا.

هو كان شايف مي مش باد جيرل فـ محدش هيصدقها .. بس مي جاتله تاني يوم صابغة شعرها وعاملاه كيرلي .. فـ مجدي ابو عميرة قالها دا البوست بتاع بهاء حجازي عشان لو اتسرق يعني ... وفعلا أسند ليها دور منال.

نبيلة أو بلبلة مرات أبيه رياض .. كانت الفنانة روجينا .. لكن روجينا مشيت ومش عارف السبب .. فجابوا سمية الخشاب.

#بهاء_حجازي