صحيفة نبض الشعب الاسبوعيه رئيس التحرير جعفر الخابوري

الفرح اللى خلى نجاة تبطل تحيي افراح فى الاقاليم..

فى يوم من الايام تلقت نجاة طلب لاحياء حفل فى قرية جنب المنصورة.. فالست وافقت وخدت فرقتها وراحوا الى المنصورة .. ومن هناك كان المفروض أن اهل العريس هينقلوهم للقرية..

فنزلت الست وفرقتها من العربيات اللى جم بيها من القاهرة وركبوا عربيات اهالى العريس.. وبدأوا يمشوا فى طريق مكسر.. ولما حست بالملل والتعب من كتر ما العربية بتشيل فيها وتحط قالت لهم "طيب رجعونا المنصورة وخدوا العربون بتاعكم".. لكن الرد الخشن اللى سمعته خلاها تسكت مضطرة فى انتظار الوصول وان الليلة تعدي على خير علشان تخلص..

على حدود القرية كانت المفاجأة.. لما لقوا البوليس واقف محاصر المكان ومنعين دخول حد او خروجه من القرية.. ليه ياعم؟ قالك فى جر*يمة ق*تل حصلت من ساعة.. ومحدش هيدخل ولا هيخرج؟ طيب والفرح ياعم ؟ قالك مفيش افراح.. وهنا اضطر اهل العريس انهم ياخدوا العربون.. واضطرت الست نجاة انها ترجع الطريق المدغدغ ده تانى وتنزل المنصورة تدور على عربية تنقلهم القاهرة.. ومن يومها حرمت تروح افراح تانى فى الاقاليم..
#الحكواتي_الهامي_سمير
#إلهامي_سمير