صحيفة نبض الشعب الاسبوعيه رئيس التحرير جعفر الخابوري

فاتن حمامة من النوع اللى مش بيحب ينزل فى الفنادق .. وعلشان كده كانت بتدور فى فترة من الفترات على شقة فى اسكندرية تأجرها طول فترة الصيف.. لحد ما واحدة صاحبتها من نفس النوعية اللى مش بتحب الفنادق برضه اتصلت بيها وقالت لها فى واحد لسه مخلص عمارة جديدة فى منطقة محترمة فى اسكندرية وع البحر علطول .. تعالى نسافر دلوقتى نحجز لنا شقتين هناك..

بدأت فاتن تلبس وتجهز نفسها للسفر بعربية صديقتها.. وبينما هى تتجهز بدأت الدنيا تمطر والجو قلب فجأة.. فخدت تاكسي وطلعت على صديقتها.. وبينما هى فى الطريق الدنيا عطلت ووقفت العربية ففتحت الشباك تشم شوية هوا واذا بعربية كبيرة تعدي وتطرطش الطين اللي علي الارض وتنوب الست فاتن من الطين جانب.. وهنا قالت للسواق رجعنى البيت..

رجعت فاتن البيت تغير هدومها.. وفجأة جالها تليفون من جوز صاحبتها بيقولها انها سافرت اسكندرية..

وقتها فاتن زعلت بس كبرت دماغها وعدت الموضوع لحد ما الصيف جه وراحت اسكندرية تصيف.. وهناك قابلت صاحبتها اللى قعدت تشتكى لها وعرفت منها ان الشقة اللى خدتها فى العمارة طلع لها قرار ازالة.. وعرفت بعدها ان السر فى سفر صاحبتها المفاجئ لاسكندرية .. انها عرفت ان فيه شقة واحدة بس هي اللى باقية فى العمارة فقالت اروح انا اخدها.. ولجل الحظ العمارة طلع لها قرار بإزالة 3 ادوار مخالفة منهم شقة صاحبة فاتن..

وكما قال مصطفى ابو سريع "المال الحلال أهه"..
#الحكواتي_الهامي_سمير
#إلهامي_سمير