صحيفة نبض الشعب الاسبوعيه رئيس التحرير جعفر الخابوري

- أنت رايح تصيف فين السنه دى ؟
- فى الساحل الجنوبي
- فين ؟
- فى الساحل الجنوبي
- ده إيه ده إن شاء الله
- مش فى القارة القطبية الجنوبية و القارة القطبيه الشماليه
- أه
- إحنا برده فى مصر عندنا الساحل الشمالى و الساحل الجنوبي
- ده اللى هو عبارة عن إيه ؟
- جمصة و راس البر و بلطيم
- و دول مش فى الشمال برده
- لأ . دول فى الجنوب
- جنوب إيه ؟
- جنوب الشعب
- إزاى يعنى ؟
- الكرة الأرضيه فيها إيه : شمال و جنوب . صح و لا غلط ؟
- صح
- الشمال مالهم : ناس متحضرين و متقدمين و معاهم فلوس و الجنوب ناس مش لاقيه تاكل
- أه
- الشمال بيجيبوا عمرو دياب و روبي يعملوا حفلات
- أه
- و الجنوب لو لاقوا واحده لابسه فستان سهرة و ضاربه شعرها أصفر بيبقوا هي عليها
- الشمال بيصيف فيه ولاد الفنانين و الناس الكبيرة و الناس اللى معاها فلوس
- أه
- و الساحل الجنوبي بيصيف فيه الناس اللى على قد حالها
- أه
- فى الساحل الشمالى بينزلوا الناس البحر بالمايوهات عادى زيهم زى اى مكان محترم
- أاااااااااه
- فى الساحل الجنوبي بينزلوا بالجلاليب و الكلاسين و الكلو،تات و ما أدراك
- أه
- فى الساحل الشمالى بتلاقى الدنيا فاضيه و هاديه لأن أغلبهم بيسافر يصيف بره مصر أساسا
-أه
- فى الساحل الجنوبي معهمش فلوس أصلا يصيفوا جوه مصر
- أحيي،ييييه
- يا أخى ده حتى الساحل الشمالى بيطل على البحر الأحمر اللى هو فيه شعاب مرجانيه و مناظر رهيبه و ميه حلوه و فيه ديفينج و حاجات تهبل
- أه
- لكن الساحل الجنوبي بيطل على البحر المتوسط اللى ماشاء الله كله طحالب و قناديل و ريم بحر و نباتات بتمسك فى رجلك و أنت بتعوم و حاجه جميلة و زى الفل
- أه
- نيجى بقى لأهم و اخطر فرق ؟
- إيه هو بقي ؟
- ان الأجانب لما بيحبوا يصيفوا بيروحوا الساحل الشمالى عشان زى ما قولتلك
- أه . طب و إيه المشكله ؟
- أن الناس دول بيشوفوا حاجات محدش غيرهم بيشوفها و بيتعاملوا مع ناس محدش غيرهم يقدر يتعامل معاهم
- أه
- و الناس دول متبهدلين و طافحين الكوته و فى الأخر مش عارفين يلاقوا مكان عدل يصيفوا فيه و لا حتى يتعاملوا مع ناس تفتح النفس
- طب و إيه الحل ؟
- الله أعلم . ربنا يسترها

#الكاتب_رامى_رجائي