صحيفة نبض الشعب الاسبوعيه رئيس التحرير جعفر الخابوري

- ألو
- مين معايا ؟
- حمادة الكهربائي
- يا حماده . هو النور بيقطع ليه ؟
- تخفيف أحمال
- على البلد
- لأ ، على المواطن
- إزاي بقى ؟
- مش لما أنت النور بيقطع عليك . بتستهلك كهرباء أقل
- أه
- يبقى الفاتورة هتجيلك أقل
- أه
- تخفيف أحمال ده و لا مش تخفيف أحمال ؟
- يا باشا ما الفاتورة بتيجى غاليه برده
- طيب مش عيالك فى الوقت ده بيبطلوا لعب فى الشقه
- أه
- تخفيف أحمال و لا مش تخفيف أحمال؟
- ما هم بينزلوا يلعبوا فى الشارع . هتطلعوا عيالى شوارعيه
- ده بيعتمد عليك أنت بقى
- يا باشا . النور لما بيقطع بننزل عرق يغطى كوكب الأرض 🥵🥵🥵🥵
- تمام . حلو أوى . مش لما النور بيقطع المدام بتبطل حكاوى عشان بتبقى مشغوله فى العرق
- اه
- تخفيف أحمال ده و لا مش تخفيف أحمال ؟
- يا باشا . المدام بتبقى عايزه تطبخ مش عارفه لأن النور قاطع فى المطبخ و هى مش عارفه هى بتطبخ إيه بظبط
- طب حلو . فى اليوم ده حاولوا تأكلوا أكل نباتى أو تاكلوا فول و طعميه
- أه
- و كده تبقى وفرتوا فلوس و حافظتوا على صحتكوا
- أه
- تخفيف أحمال ده و لا مش تخفيف أحمال؟
- يا حماده ما إحنا برده بنبقى قاعدين زهقانين
- كلم حد من قرايبك دمه خفيف و أقعد حكى معاه
- ما هو النت بيبقى قاطع
- كلمه على الأرضي . و بعدين شوفت برده وفرنا عليك فى فاتورة النت . تخفيف أحمال ده و لا مش تخفيف أحمال
- تخفيف يا باشا . تخفيف بالقوى
- يلا مش عايز حاجه . سلامو عليكوا
- و عليكم السلام. ثانيه واحده انا لا متجوز و لا مخلف و لا عندى عيال و لا حتى بطبخ
- شوفت . وفرنا عليك فكرة الجواز و خليناك عايش حر و براحتك
- أه
- تخفيف أحمال ده و لا مش تخفيف أحمال؟
- تخفيف يا باشا . تخفيف أحمال و كمان تخفيف د،ماء . شكرا يا باشا . تعبتك معايا
- العفو على إيه . أنت تؤمر . خد بالك بقى و أنت بتخفف أحمالك بقى عشان ميجيلكش جفاف
- هع هع هع هع . عسل يا باشا . عسل . حسبي الله .....
- بتقول حاجه ؟
- لأ ، سلام يا باشا
- سلام . سلام و رحمة الله وبركاته
- هع هع هع . عسل يا باشا. عسل

#الكاتب_رامى_رجائي