صحيفة نبض الشعب الاسبوعيه رئيس التحرير جعفر الخابوري

خلينا نشوف المطلقات حيقولوا إيه في الموضوع دة
================================
بعد ١٤ سنة جواز 
واخر سنة كان كلها خناقات بسبب المصاريف زادت وانا كنت موظف بنك في دولة خليجية ورجعت نهائي واشتغلت اوبر
طلبت الطلاق او تكتبلي الشقة باسمي 
خلاصة الموضوع 
شهرت بيا بكل مساوئي لاهلها وجيراني وراحت محكمة والجو دة .
انا عملت حاجة واحدة 
قولتلها انا عمري ما رفضتلك طلب ولما الدنيا ضاقت مش برفض لكن مش قادر 
والحمدلله مستورة .
بس طالما وصلت انك تدخلي قسم شرطة عشان تتهميني بكل الاتهامات اللي في ٧بدة مؤتة يبقى انتي واخدة قرارك .
وعينك في الشقة وابنك عندة ١٤ سنة . واديتك فرصة ٣٠ يوم تفكري.
انا بعت شقتي بمليون واديتها ٥٠٠ الف وتحملت نفقة شهرية للولد مكنتش تحلم ان المحكمة تديهالها . وتحملت كل مصاريف ابني الدراسية والحياتية والعلاجية .
وعملنا ورقة عقد اتفاق وكل مضى وانتي طالق وزي ما اخدتك بشنطتة هدومك ارجعي بيها وفوقيهم نصف مليون جنية .

وربنا معاكي وانتي كنتي اسوء ذكرى ومش عايز افتكرك.
بالامانة انا تعبت اوي من هوان العشرة .
بفضل الله
 وقفت على رجلي 
وشغلت فلوسي 
وجبت شقة وفرشتها وعندي شغل كويس 
والبنات تحت رجلي حرفيا 
وسنجل وبحسد نفسي على كرم ربنا ليا .
وهي للاسف 
مشت شمااال

زعلان على ابني والله بس بكرة يكبر وحيجيلي غصب عن عين التخين 
وهي صرفت الفلوس على علاجها من الشلل اللي جلها من نظرات الناس ليها .
الفلوس تحت رجلي والبيت تحت رجلي لانهم بفضل الله وانا اجتهدت عشان احافظ على بيتي ولكن الله غالب.
وانا واثق ان الكاس حيلف وكل واحد فينا حيرجعلة اللي عملة في التاني.

من ناحيتي انا استفدت من الطلاق اوي .
اولا وفرت مصاريف البيت اللي مبتخلصش
اهتميت بنفسي ورجعت بكامل طاقتي بفضل الله 
انا سلام داخلي لاني مش مسؤول عن حد . هو راتب شهري بيتدفع وربنا بيرزقني بيه وبهتم بابني من بعيد ومش ناقصة حاجة الحمدلله.
لاقيت عندي وقت كافي اني اشتغل كذا حاجة واتعلم كذا حاجة واتفسح كل اسبوع في اماكن مكنتش اتخيل عن حروحها بالروقان دة .
وطبعا لايمكن حرجع لها لانها غدرت مرة . 
وكل معارفي ومعارفها وصفوها بقلت الاصل وانها راضعة زبالة .
وانا والله ما بتكلم عليها وحش عشان ابني ملوش ذنب لما يكبر ويلاقي سمعت امة باقت شمال.

اللي عايز اوصلة لأي زوجة وزوجة 
عامل التاني بما يرضي الله والنتيجة ان ربنا حيراضيك اوي .

مع احترامي للمطلقات اللي اتظلمت بجد وحقولكم ربنا يعوضكم بس اكيد كان فيه فرصة وانتم ركبتوا دماغكم ولسة بتعاندوا للاسف 
كبرياء الرجل بمليون ست .
اوعي تتكبري على جوزك واوعي تحسسية بضعفة لانة مش ضعيف 
انما كونك ماسكة موبايل وقاعدة عالكنبة بتتفرجي على مسلسل وقاعدة عالنت و اولادك صحتهم بخير ومقفول عليكم باب واحد 
هو دة اللي خلا جوزك يضعف في نظرك .
انما هو اخد دور ابوكي على قد ما ربنا ما بيرزقة .
كبري جوزك ربنا يكبرك 
ومن تواضع لله . الله يرفع مقامة امام الناس

انا فعلا دلوقتي عندي جاهز جدا معنويا وماديا للجواز .
بس انا مرتاح كدة اكتر 
وبعمل كل حاجة بزرار
اشغل التكييف بزرار
اغسل هدومي بزرار
اسخن اكلي بزرار
وحتى القهوة بزرار 
وبنظف البيت بزرار 
كتر خير التكنولوجيا .
والحمدلله لسه بتقي ربنا في نفسي وفي ابني .

الطلاق مش حلو ومتعب نفسيا اوي
لكن الست بتتشاط كتير بعد مرحلة الطلاق من الناس ومن اهلها .
والراجل بيقدر يبدأ من الصفر كل يوم طول ما كرامتة معاه .
ربنا خلق الست عشان تبقى سكن للراجل 
مش عشان تسكن هي لوحدها وترمية في الشارع بأمر القانون للاسف .
ومش كل قانون لازم ناخد بية 
القانون احنا اللي عملناه 
انما كلام ربنا محفور فينا .
وشابوة للشيطان اللي قدر يفرق ما بينكم 

المهم ان انا احسن من غيرها والله 
وحتتجوز بنت بنوت وحعرف انقيها كويس 
ما انا عندي خبرة ١٤ سنة 
وفضل من عند الله 

تحياتي لكم@الجميع
#خاطفةللانظار