صحيفة نبض الشعب الاسبوعيه رئيس التحرير جعفر الخابوري

البارت التاسع.
دقة قلب .
مروة حمدى ومني عبدالعزيز

الخاطرة أهداء من ملاك نوري.

ايتها الجميلة بعيناى
العالقه بين قلبى ورئتاي
بكى احيا وبكى اتنفس
تحت سماء حبك اعيش
وبين احضانك اغرد كطيور
حين اقترب من الحب ولا ابتعد
ومن حسنك يتجمل الكون وانا اشهد
وعلى شفاهك ارقد كراهب اتعبد
ومن انفاسك تصنع العطور ك الورود
كل يوم سحرك يتجدد
ومن جمال وجهك نتعلم الشموخ

بسم الله الرحمن الرحيم .
سامر جالس بمكتب والده دخل عليه السكرتير بملف صغير ووضعه أمام سامر علي المكتب .
سامر امسك الدفتر في يده يرفعه بسخريه ،إيه ده انا طلبت دفاتر الحسابات جايبلي ده اعمل بيه ايه .
السكرتير .. هو ده يا فندم دفتر الحسابات الموجود بالشركه عن السنه الماليه .
سامر .. خلاص خلاص خالي البوفيه يعملي فنجان ماكياتو.
السكرتير بحرج اسف يا فندم ايه نوع الماكياتو دي ابعت العامل يشتريها .
سامر .. يعني ايه مافيش قهوة في البوفيه .
السكرتير .. لا فيه يا فندم قهوة بس النوع ال حضرتك طلبه ده مش معروف .
سامر .. في ايه اقدر اشربه .
السكرتير .. قهوة شاي حلبه يانسون عصير فرش .
سامر .. يانسون. وحلبه مصيبه يكون فيه كرويه ونعناع ابتسم ساخرا خلاص هات واحد قهوة مظبوط .
خرج السكرتير
سامر يجلس بمكتب والدة يراجع كافه الحسابات يشعر بألم في جلسته كيف لوالده أن يجلس علي ذالك الكرسي الغير مريح بالمرة.
يتذكر قبل يوم كان يجلس معه مجموعه من المحاسبين ليراجعوا حسابات شركة عمه .
يدقق في الأرقام بدقه وعنايه فائقة يبتسم بسخريه
هو وحده من قام بتدقيق حساب المصنع وحساب الأرباح والخسائر والضرائب وكافة شئ
بينما في شركه عمه فهناك قطاع محاسبي به العديد من المحاسبين والمراجعين والمدقيقين لفت نظرة شئ في الأوراق أمامه
اتصل علي السكرتير
سامر .. ابعتلي المحاسب حالا .
بعد قليل دق الباب ودخل رجل كهل فوق الستين بلحيه بيضاء يمسك بيده عصي يتكئ عليها القي السلام علي سامر مرحبا به ، نظر إليه سامر باستغراب ينظر إليه تارة والي الاوراق التي أمامه تارة يهمس لنفسه كيف لذالك الرجل أن يقوم بتلك الأمور .
اشار سامر المحاسب بالجلوس وهب واقفا يضع يدة بجيب بنطاله يتحدث بحده نوعا ما
عاوز افهم مين ال مقفل الميزانيه
المحاسب : أنايافندم
سامر وهو يقف قبالته ممكن اعرف بند المصروفات الخاص ليه عالي بالنسبه لباقي المصاريف ازاي البند ده بالمبالغ الكبيرة دي والميزانية طالعه متقفله والأرباح عاليه.
المحاسب .. بصوت حزين قصد حضرتك ايه
سامر سؤالي واضح المصروفات الخاصه دي ليه بعيد عن الميزانيه
المحاسب لان المصاريف دى مالهاش علاقه بالميزانية ولا بالضرائب دي تبع كارم بيه هو الوحيد المتصرف فيها
سامر بغضب هو ايه كارم بيه هو المتصرف ازاي المبالغ الكبيرة دي تطلع وما تدخلش بند الخسائر والمصروفات النثريه دي مفروض لو حضرتك بتعمل شغلك صح كنت ضبط الحسابات لكن بالطريقه دي حضرتك كاشف نفسك اوي المبالغ دي اكيد وراها سر
المحاسب .. تقدر تفهمني قصدك ايه بالكلام ده انت بتشكك فيه بعد العمر ده كله في خدمه كارم بيه بعد العمر ده كله حضرتك تتهمني بحاجه زي دي
سامر .. أنا متهمتش حضرتك بشي أنا عاوز اعرف ازاي مبلغ بالحجم ده ما يدخلش في الخسائر ولا المصاريف .
رد عليه بحزن واردف اولا حضرتك في سن اولادي وأمكن اصغر وقصدك وصلني وفهمته ولازم تعرف أنا عمري ما اقبل حاجه حرام علي نفسي ولا علي ولادي .
ثانيا . كارم بيه يقدر يشرحلك. المصاريف دي ليه مدخلتش بند الخسائر وبنحاسب عليها الضرائب عادي .
سامر .. بحرج يعتدل فى وقوفه اسف لو خني التعبير بس انا ما قصدتش ال فهمته حضرتك ، أنا عاوز افهم كل. شي أنا مسئول عن كل حاجه بالانابه عن والدي محتاج توضحلي ال موضوع .
المحاسب .. هو المفروض كارم بيه يعرفك بنفسه بس انا هوضح لحضرتك الصورة عشان ارفع عن نفسي الاتهام والإهانة ال اتوجهتلي وانا بالسن ده وطول عمري شغال مع كارم بيه ووالدة رحمة الله عليه من قبله
حضرتك عارف أننا بنشغل عمال باليوميه مالهمش معاش ولا تأمين فيهم شباب صغير بيدرس وفيهم ال ليه سنين طويله شغال معانا ،كارم بيه بيدي للعمال دول مكافئات وكمان ال عنده بنت بتجوز أو محتاج مبلغ لعمليه أوعامل من دول اتوفي بيصرف معاش لزوجته وأولاده .
سامر ،ليه مش بيضيف المبالغ دي علي الميزانيه. في بند المصروفات وبكده الميزانيه بتطلع مدين والضرائب متربطش مبلغ كبير .
المحاسب .. كارم بيه رفض وطرد محاسب عشان قال له الفكرة دي ،قاله أنا بتاجر مع ربنا ميهمنيش يكون عندي ملاين بالحرام والضرائب دي حق البلد عليا طالما بيوفروا لينا خدمات وحافز تصدير يبق أاقل شي نعمله هو نقدم حساباتنا صح و أنا اهم حاجه ربنا قبل كل شي الباقي ليا هو تجارتي مع ربنا ..
اظن كده انا شرحت لحضرتك تؤمرني بشئ تاني .
سامر .. اسف إن كنت تعبتك بس كان لازم افهم كل ال بيدور في المصنع وكمان عشان اتابع كويس الفترة ال بابا هيغيب فيها عن المصنع ويفضل ماشي زي ما كان موجود .
اوم المحاسب وخرج
ليجلس سامر بشرود يفكر في كل ما يحدث مع والده،كل يوم بكتشف حاجه جديدة فيه وبتعلم درس جديد علي أيده قد ايه انت عظيم رجع بظهره للخلف يشعر بألم في كتفه بتسال كيف لوالده بهذا العمر يتحمل الجلوس علي ذالك الكرسي ،
ليلفت نظرة مكتب والده كما هو منذ زمن لم يغير فيه اي شي او يجدد في ترتيبه فهو كما هو حتي ذالك الكرسي الذي يجلس عليه كما هو اتجه الي طاوله المكتب ينظر إلي مقتنيات والده يري أنها هي هي نفس الاشياء وصوره هو وشقيقه كما هي لم يزد عليها إلا أطار واحد فقط لصورة جماعيه تضم أبيه وأمه وملاك بينهم وهو وشقيقه يقفون خلفهم . أبيه لم يبدل شي من محتويات المكتب ،سيارته لم يقم بتبديلها منذ سنوات ، عكسه هو وشقيقه كل سنه تقريبا شقية يبدل سيارته ، والدته ومصاريفها .
اغلق الملفات التي أمامه ووقف أمام ذالك الشباك بالغرفه والمطل علي العاملين بالمصنع ينظر إليهم جيدا يبتسم حتي هؤلاء الاشخاص لهم فترة طويلة يعملون مع والده تذكر اخر يوم حضر مع والده وملاك وصالح أخيه منذ ٨ سنوات ابتسم وهو يتذكر ذالك اليوم وهو يجلس مع ملاك و أت صالح من الخلف جزب شعرها بشدة المتها تلك الشده بكت علي إثرها ملاك واسرعت تختبئ خلفه من صالح لكن استغرب ابتعدها عنه فور أقترب والده لتذهب جوارة دون أن تخبره ماذا فعل صالح بها
ليحدث سامر نفسه تسأل كثيرا هل ما سيقدم عليه صحيح
سامر .. أنا هعمل ايه انا هجوز ملاك هحافظ عليها وعلي الشركات والفلوس وهتابع علاجها لحد ما تخف
ملاك جميله وشيك واي راجل يتمناها عادي لما اكمل حياتي معاها ونعيش زي أي زوجين
وبكده اكون حميتها وبنفس الوقت حافظت علي الشركات وتعبي ما يضعش .
كده تمام أول ما بابا يرجع هديله موافقتي واكيد بعد ال حصل ما هيصدق وهيفرح. اوي بس ملاك اختي مش بحس تجاهه باي مشاعر ازاي هنعيش كزوج وزوجه .
وفيها ايه كتير عايشين كده وعادي اكيد هناخد علي بعض ووحدة وحده هننتقلم هي البدايه هتكون صعبة بس بعدها اكيد هنتعود. طيب وانا ومشاعري واحتاجاتي الشخصيه ورغباتي عادي ايه يعني لو حصل علاقه مرة وأتنين وهي بتتعالج أنا هسال الدكتور قبل الجواز وهاخد برأيه . ، ماهو مش معقوله هسيب تعبي السنين دي كلها لواحد يضيع تعبي ويسيطر علي ملاك وممكن يدخلها مصحة ولا يمضيها علي تنازل بالشركات والفلوس ال في البنوك ، أنا هحافظ عليها وعلي الشركات وفي نفس الوقت حقي وتعبي مش هيروح لبعيد مراتي وبنت عمى واولادى ليتذكر ما حدث أمس تنهد بضيق
ال حصل بين صالح وملاك امبارح فيه حاجه مش واضحه انا مش غبى وضع صالح وهيئتها وهى خارجه بتصرخ بتدل علي حاجه مش طبيعيه حصلت اغمض عينه وكور يده هل هقدر انسى ال شفته ؟هل هقدر اعديه ؟صعب صعب طيب هأمن عليها ازاى فى البيت بعد كده وانا هنا في شغلى ممكن مرة تكون تحت تأثير مخدر و و لا صعب مش هقدر ليضغط بيده على جبهته يشعر وكأنها ستنفجر ليأخذ نفس عميق يخرجه بعنف وهو يعود بجسده على كرسيه للخلف شاردا فى الاشئ محادثا نفسه انت شوفت بنفسك الفرق بين الحسابات شغل والدك السنين دى كله لا يتجاوز نص ال تملكه ملاك لوحدها يعنى أنت بعد ده كله مش هتتحصل على الربع ويجئ واحد غريب يقولك شكرا ليك لحد كده ووقتها ولا هتقدر تتكلم لأنك موظف ليك مرتب نظير اتعابك لتشق ابتسامه سخريه شفتاه وهو يتابع غريب ليه اومال اخوك صالح بيه راح فين يظهر أنه ووالدته راجعوا حساباتهم سوا هههه كالعاده ياأمى اخترتى صالح المستهتر ال عمره متحمل مسئوليه وفضلتيه عليا بس المرة دى أنتى بتخليه يدوس على مستقبلى وحلمى على مجهودى وسهر الليالى لا لا مش هسمح لاى حد ياخد حقى ولو على ملاك فاحنا مش اول اتنين نتجوز بالطريقه دى كتير عايشين كده ٠انا اكتر حد يعرف ملاك وعاداتها وحتى طبيعه الحاله اللى بتجيلها وده هيسهل عليا وعليها كتير اما بالنسبه لصالح على الرغم من استهتاره فمفيش مرة أتعرض فيها لملاك بشكل مهين قبل كده وأن كان على ال حصل فمن الواضح أنه كان تحت تأثير مخدر مش فى وعيه وانا احتار ليه بعد الجواز هسيب البيت واجيب طقم تمريض كامل يرعها بس بابا هيقدر على بعادها هيوافق طب هى هتقدر على بعده لو على بابا هيتفهم موقفى كراجل وملاك مرة ولا اتنين حاله من ال بتجيلها وهتتعود على بعده وهو فى اى وقت يقدر وا يشوفوا بعض، ماهو مش معقوله هضيع كل حاجه بعد ده كله
افاق من شرودة علي صوت هاتفه معلنا عن اتصال .
سامر .. الو .
.........
سامر بتقول إيه امته ال حصل ده .
-------
ازاي حصل فين المهندس المسئول .
--------
أنا في الطريق جاي اشوف المصيبة دي .
--------
لا متتصلش بحد لحد ما أوصل
----------
انت ناسي المشروع ده انا دخلته علي مسئوليتي الشخصية .
-----
لا انا مسافه الطريق وهكون عندك بس جبلي المهندس المسئول اوصل الموقع ألقيه واقف قدامي
خرج سامر مسرعا الي موقع تابع لأحد المشروعات التابعه لشركات عمه.
---------------
ملاك واقفه تنظر إلي الجميع مشتته بالرغم أنها بحالتها الطبيعيه لكن تاثير الكلام عليها ونظرات الاعيون زادوا من توترها .
ملاك : تقف بحيرة مما يحدث حولها تنظر إلي عمها تحاول أن تستمد منه الشجاعه دققت النظر لوجهه وجدتة ينظر لها نظرة حزينه منكسرة علي وجهه
ملاك عموا كارم . ليقترب منها كارم يحاول أن يتماسك
يجزيها لاحضانه يتشدد فى احتضانها مانعا دموعه بشق الأنفس من النزول حتى لايزيد من توترها
ملاك .. عمواماتقلقش عليا انا الحمد لله بقيت كويسه .
كارم ..أبتعد عنها ناظرا بعينيها يداه تجوب على وجنتيهاتخونه الكلمات لا يستطيع أن يتحدث ماذا يمكن ان يقول لها صمت وطال صمته لتفهم فؤاد حالته وكم شعر بالشفقه على هذا الرجل .
فؤاد انسه ملاك ممكن تتفضلي تقعدي جنب تيته في موضوع مهم لازم تعرفيه .
مدت الجده يدها لملاك تبتسم لها تعالي يا حببتي جنبي هنا انتي وحشاني أوي.
تركت ملاك عمها بعد أن ربط علي كتفها يشجعها علي الجلوس بجوار الجده .
جلست ملاك بجوار الجده والجد هاشم من الجهه الأخري ضمت الجده ملاك بحنان جعلتها تطمئن عينيها مصلته علي فؤاد .
فؤاد .طنط مريم اتفضلي محتاج اعرف منك كام حاجه لو سمحتي .
مريم جلست بالقرب من آمال وايه كلما وقعت عيناها علي عامر يشيح بوجهه عنها لتقطب حاجبيها باستغراب لتعاود النظر بعدها مرة أخرى لفؤاد.
فؤاد .. طنط مريم ممكن لو سمحتي تقوليلي اخر مرة زرتي خالد كان امته ومين أكتر شخص بيزوره وبيكلم معاه من غير ما يكون في قيود .
مريم.. من أسبوعين تقريبا ما كملناش ربع ساعه كان كلامه جاف مختصر كله لوم وعتاب بيتهرب منى اول ماكلمته عن رجوعه مرة تانيه وسطينا اتحجج بشغله وقفل ال وحيد ال بياخد معاه حريته فى الكلام باباه عامر .
فؤاد .. يجاهد نفسه يتمسك بطوق نجاته يمسك ذالك الأسوار يشتد عليه فور وقوع صوت بكاء يعلم صاحبته جيدا رفع عينه لم يعد يتحمل مع تذايد البكاء ليجد شقيقات خالد الثلاث يبكين بحرقه ولكن فراشته أكثرهن بكاءا .
التف للجهه الأخري حامدا ربه ذالك الصوت الذي انتشله مما كان مقدم عليه
أمال .. رحاب بلاش عياط مش كويس عشان ال بيبي انتي حامل والزعل مش كويس عشانك .
اشتد علي الأسوار وقلبه يكاد ينفجر مع سماعه تلك الكلمات وصوت شهقات فراشته .
فؤاد اسف إن كان سؤالي صعب بس كان لازم ااساله وافهم الوضع وصل لفين
ليخيم الصمت على المكان لا يسمع سوا صوت شهقات الفتيات تتطلع لهم ملاك تستغرب حالهم جميعا وذلك الحزن الذى خيم عليهم جميعا لا تعلم سببه تعابير وجه عمتها مريم احزنتها كثيرا
انسه ملاك انسه ملاك كان هذا صوت فؤاد لتعيد نظراتها إليه مرة أخرى
فؤاد: ممكن اسالك سؤال
ملاك: اتفضل
فؤاد .. لو في انسان محتاج انك تساعديه وفي نفس الوقت هتساعدي نفسك هتقدري تدخلي التجربه دي .صدمها سؤاله اخذت تعيده مرة تلو الأخرى بصوت عالى بعض الشئ وهى منكسه رأسها لاسفل يخفى شعرها ملامح وجها تهز قدمها تتمسك بحافه الكرسى الذى تجلس عليه كل هذا تحت أعين فؤاد المثبته عليها علي ملاك يراقب حركاتها وتعبيرات وجهها يستشف من سؤاله اي حاله ستدخل بها ينظر إليها والي كارم عمها يري توترة خوفه من دخول ملاك حاله من حالتها بتسال مع نفسه .
فؤاد .. ياتري يا ملاك هتدخلي اي حاله من حلاتك هتهربي من الواقع هتصرخي هتفضلي الصمت .
ملاك رفعت عينها مرة واحده تنظر حولها تري أعين الجميع مصلته عليها لفت انتباهها عيون مريم وتلك النظرة المترجيه التفت إلي الجدة وهي تحاوط جسدها بيدها تضمها إليها بحنان وتلك الابتسامه الحانيه نظرت إلي عين عمها المتلهفه شفقت عليه فهو أكثر شخص يستحق العطف .ملاك ببعض الحده المصاحبه بتوترها .. دكتور هو انا ااقدر اساعد نفسي لما هساعد غيري هو فاقد الشئ يقدر يعطيه .
فؤاد .. مبتسما أنا دلوقتي متأكد انك تقدري تعطيه لأسباب كتير اولا طريقه كلامك ردة فعلك حالا ثانيا انتي محتاجه حمايه من نوع خاص ونفس الوقت الشخص ده محتاج نفس الحمايه فأنتم الاتنين هتكملوا بعض .
ملاك انا محتاجه احس بالامان مكونش عاله علي حد اثق في نفسي ابعد عن اي شي يتهمني بحاجه ماليش زنب فيها محتاجه ارجع ملاك القويه محتاجه اتعالج وقتها اعرف اساعد غيري .
محتاجه لما أشوف نظرة عمي اشوف في عنيه البسمه بدل الحزن اشوف الراحه بدل عذاب الضمير ال بحسه في كلامه نظرته ال بتقتلنى وقت ما أصحي من نومي والقيه جنبي بيلوم نفسه علي التقصير في حقي كتير بحس باني عبئ عليه كل ما اشوف نظره عمى ال كلها انكسار واسف وحزنه عليا كتير بتوجع .
لم يتحمل كارم كلامات ملاك نكس رأسه لاسفل بالم وحزن رغم أن كلمات ملاك بسيطه لكن كانت كا السهم اخترق قلبه ازدادت رعشه يده أقترب منه عامر يربط علي كتفه مواسيا. له ملاك قامت من مكانها اقتربت من عمها جست علي ركبتيها كورت وجهه بين يدها تجفف دمعاته تبتسم بوجه عمو حضرتك ماقصرتش معايا في اي حاجه
سامحني إن كنت حملتك فوق طاقتك
طيب انسه ملاك لو بمساعدتك دى هتساعدى عمك أن يكون مطمئن عليكى وعلى أمنك الفترة دى لتجاوبه بتلقائية اكيد أقبل لتلتفت براسها مبتسمه له لتتمعن النظر بعمها يحتاج الى الراحه لتبتسم بوجع على حالها. التفت إلي فؤاد أنا موافقه علي طلبك يا دكتور ثم عادت إلي عمها أنا موافقه ياعموا متقلقش عليا انا موافقه علي كل ال تؤمر بيه وشايفه في مصلحتي .
فؤاد:طيب ولوقولتلك أن طنط مريم محتاجاكى تساعديها تقبلى
ااقبل قالتها بعفويه صادقه وهى تتطلع على عمتها مريم بلهفه لتقابلها الأخرى بنظرات مليئة بالرجا والامل تمس قلبها تتساءل داخلها ماسبب هذا الحزن وكيف يمكن أن تساعد عمتها الحنون
كل ذلك تحت انظار فؤاد الذى يدرس كل رد فعل صادر عنها يرى. نظراتها لمريم ليبتسم عليها داخله ليعيد سؤاله تقبلى تساعدى طنط مريم. ياانسه ملاك أقبل قالتها وهى لاتحيد بعينيها عن عمتها التى لمعت اعينهابسعادة وحب لتلك الصغيرة ليعيده سؤاله مرة أخرى لو
المساعده دى هتساعدى بيها جدتك وجدك وعمك عامر وأخواتك البنات ااقبل اكيد أقبل قالتها وهى تتطلع لتلك الوجوه الحزينه التى لطالما ابتسمت لها
لتلمع أعين الجده بسعادة وفرحه استشعرتها ملاك لتقابلها بابتسامه هادئه
فؤاد :انسه ملاك المساعده ال بطلبها منك وليكى هى جوازك من خالد بن عمتك مريم لتتسع أعينها ببلاهه مرددة جواز تنظر لعمها تاره ولعمتها مرة أخرى لتقف وهى تحدثه
ازاى يادكتور ازاى تيب انا انا مش فاهمه حاجه
فؤاد ماتقلقيش جدتك ماجده حتفهمك كل ال انتى مش فاهمه بس حسالك لآخر مرة لو الجواز هو الطريقة الوحيدة المتاحه حاليا ال تقدرى بيها تساعدى نفسك وال حوليكى لسه موافقة لتصمت معيدة النظر حولها عمها ينظر لاسفل بنظرات منكسرة عمتها مريم حزينه الجده تنظر لها بعيون لامعه لتاخذ نفسا عميقا مغلقه عينيها تفتحهم بعد برهه ااقبل
لتسعد الجده كثيرا بقبولها ويقتنص فؤاد هذه الفرصه سريعا
فؤاد :جدتى لو سمحتى اتفضلى انتى والبنات مع ملاك جوا وفهميها كل ال هى محتجاه ليقفن جميعهن متوجهين للغرفه لينادى فؤاد طنط مريم من فضلك. ثوانى لتؤم برأسها بعد أن ربطت على يد ملاك ليتابع اتفضلوا انتوا مع االانسه ملاك لان في كلام مهم محتاج كارم بيه وجدوا وعمو عامر فيه .ليدخلن الى الغرفة وآمال تمسك برحاب تتلى عليها التعليمات بخصوص حركتها المستمرة
بعد ذهابهم فؤاد:طنط مريم انا آسف محبتش تكونى موجوده فى الوقت ده معاها بحيث. انها لومحستش بالراحه بعد كلامها مع جدتهاوحبت ترجع فى رأيها ماتتحرجش منك لتؤم رأسها بتفهم
ليذهب باتجاه العم كارم مربطا على كتفه متقلقش بس محتاجين أوراق ملاك علشان نتمم كتب الكتاب
كارم بس يابنى
فؤاد مش عايزين نضيع وقت ياعمى
كارم بانكسار يعنى كتب كتاب بنتى انهاردة
الجد هاشم :كارم يابنى وجود ملاك وسطينا وأنها تشيل اسم حفيدى ده شرف لينا ولولا الظروف ال بنمر بيها كنا جينا لحد عندك نطلبها منك عمرنا ماكنا هنلاقى لخالد احسن من ملاك ولو عندك اى اعتراض قول وماتشيلش هم اى حاجه
كارم محدثا نفسه يعيد حديث فؤاد معه وماحدث فى الأيام الأخيرة لاسبيل له ولها الا هذا يعلم أن ال الخديوى سيحاوطونها براعيتهم الكامله فهنا لديها الجد والعم والعمه والأخوات والأهم من كل هذا الام كما أن خالد لطالما كان له الفتى الخلوق. الحنون المراعى لينظر للجد انا مطمئن. انها وسطكم ياعمى
تذهب مريم باتجاه عامر لمعرفه رأيه بكل مايحدث ليولى ظهره مبتعدا متجها لكارم
عامر يبقى نجيب الورق الخاص بيها علشان كتب الكتاب
كارم طيب وبالنسبه لخالد
عامر خالد كان عاملى توكيل عام انا هتمم الإجراءات بيه .
كارم .. أنا معايا وصاية علي ملاك ، وهتصل علي الداده تطلع اوضه ملاك تجيب بطاقتها وأوراق ملاك والصور والمحفظه بتاعتى علشان البطاقة
هاشم الجد.. فؤاد يا بني سبب اصرارك ان ملاك تعرف بحاله خالد وليه صممت تاخد موافقتها ٕ؟.
فؤاد .. لسببين مهمين جدا ، الاول ان ملاك تحس انها مسئوله وليست عاله يكون ليها دور واختيار شكل حياتها متكونش مجبرة عليها .
ثانيا .. المأذون هيطلب موافقة العروسه لازم تعطي موافقتها وهي بطبيعتها متكونش تحت تأثير حد فينا ولا حاله من حالتها .
كارم .. بحزن متشكر يا دكتور فؤاد مراعتك لحالتها وتفهمك .
هاشم .. عامر اتصل علي عبد الجليل المأذون وإبعت ليه السوائق واشرح ليه الموضوع واننا مستعجلين علي العقد .
عامر اوم براسه وخرج ينفذ ما طلبه والده منه .
كارم دكتور فؤاد ممكن تفهمني الخطوة الجايه ايه
فؤاد .. هنضرب الحديد وهو سخن بمعنى بعد الانتهاء من كتب الكتاب هناخد ملاك انا وحضرتك وجدوا وعمو ونحط خالد قدام الأمر الواقع وبعدين هنفهمه الموضوع وان ملاك مراته .
كارم تيب ياابنى وخالد هيبقبل بده بسهوله انا خايف من رد فعله
فؤاد:ودى مهمتنا أحنا نمهد له وحضرتك ليك دور مهم وقتها انت الوحيد ال هيتقبل منك ويسمعك
كارم بحزن: كان نفسي اعمل ليها فرح كبير الدنيا كلها تتحاكه بيه .
هاشم .. بحزن مين سمعك يا كارم كنت اتمنى نقدر نعمل فرح لخالد كل الدنيا تحضره بس ما باليد حيله
فؤاد .. طنط مريم ياريت علي المأذون ما يجي تفهمي الانسه ملاك وياريت تبدل هدومها عشان الشكل العام قدام المأذون وكده .
كارم .. ملاك محتاجه لبس وحاجات خاصه ماهي مش هتفضل تلبس هدوم اسماء بعد الجواز .فلو سمحتى خليها تختار كل ال نفسها فيه وانا ال هحاسب عليه
مريم.. عيب كلامك ده يا كارم ملاك متتخيرش عن بناتي.
كارم .. معلش يامريم أنا مقصدتش حاجه بس مش عاوز احس بتقصير ناحيتها وأهل العروسه هم ال بيجهزوا بنتهم قالها بحزن والم. .
هاشم .. خلاص يامريم ريحي كارم فهمي ملاك كل حاجه وعرفيها أن عمها هو ال مصمم أنها تختار بنفسها وسبوها علي راحتها تختار .
فؤاد .. فعلا ياريت محدش يدخل في قراراتها في الاختيار هيساعد في علاجها واتناقشوا بس في الألوان والشكل لكن الاختيار ليها هي .
مريم .. حاضر هفهم البنات وهنسبها برحتها.
خرجت مريم وجلس كارم حزين ..
فؤاد .. كارم بيه متلمش نفسك كتير ده انسب حل للاتنين ملاك مازالت في واقع الصدمه وده أثرها واضح لسه مش مدركه ال مقبله عليه رغم الثبات ال لتحاول تظهره لينا ،وفي نفس الوقت هي طوق نجاة لخالد وحالته.
كارم .. قصدك ايه بعدم أدركها .
فؤاد .. ملاك بتحاول تكون شخصيه جديدة ليها بتهرب من واقع مؤلم بنسيانها شخصيتها القديمه بتحاول تثبت لنفسها أنها قويه تقدر تاخد قرار أنها قادرة علي النسيان وأنها تقدر تتغير .بس للاسف مع اول مشكله او موقف هتنهار .
اوم كارم له وصمت شاردفي حال ملاك تارك فؤاد والجد يتحدثون .
-------------------
ياسين جالس بمكتبه ممسك بهاتفه يحدث نفسه عن السر الذي جعل زوجته وحبيبت قلبه لا تناغشه كعادتها .
ارسل لها عدة رسائل ولم تجب عليها حاول الاتصال بها لا تجيب .
ظفر بضيق بتسال عن اهميه الموضوع الذي يشغلها عنه.
دق الباب دخل السكرتير بعد أن أذن له ياسين .
السكرتير .. ياسين بيه الاجتماع جاهز والموظفين موجودين .
ياسين اوم براسه وهو لازال ينظر بهاتفه لعلها تري أحدي رسائله تنهد بضيق وخرج الاجتماع .
جلس علي مقدمه طاولة الاجتماع يستمع لآراء الموظفين ومناقشتهم في عدة أمور وعقله شارد ينظر إلي هاتفه تارة والي الموجودين تارة أخري
تاه نهائيا في هاتفه وهو يقراء رسالتها إصابة إحباط بعد قراءتها .وقف وخارج من الاجتماع مصمم علي معرفة السر .دخل الي غرفة مكتبه يحاول الاتصال بها حتي تلقي اجابه .
ياسين مسرعا .. ميروا ممكن افهم إيه الموضوع المهم ال ينسيكي جوزك .
مروة بضحكه اذابته كعادتها ، مافيش اهم منك يا ياسوا لما ترجع هتفهم كل حاجه بس بليز بلاش تتصل كل شويه خليني اركز في ال بيحصل وانا هفهمك كل حاجه .ياسين .. أنا مش عارف اركز في شغلي حاسس بحاجه نقصاني .
مروة .. بضحكتها الجميله امتصت غضبه قلب ميروا من جوة هعوضك عن كل ده بس سبني دلوقتي واوعدك هتصل بيك بعد ما الموضوع ينتهي
.ياسين .. طيب عاوز تصبيرة جرعه صغيرة اصبر بيها علي ما تتصلي .
ميروا بهمس حبيبي انا قاعدة مع الكل مش في شقتنا .
ياسين .. اصرفي أنا مش قادر اصبر .
مروة .. حبيبي بلاش تحرجني الكل حواليه وعنيهم معايا .
ياسين .. طيب يا ميروا أنا زعلان لما اشوف هتصلحيني ازاي.
أغلق ياسين مع مروة بضيق وخرج لمكتب شقيقه يوسف .
---------------
يوسف جالس علي مكتبه ممسك بذالك الحذاء الصغير يبتسم وهو يتذكر عندما مسكه اول مرة وهو لا يعلم لما احضرته رحاب ، يتخيل طفله وهو يلبسه ذالك الحذاءبحنان خوفا من أن يؤلمه .دخل فجاءة عليه أخيه ياسين ليقف مكانه مزهول مما يري .
يوسف يضم حذاء صغير الي صدره يربط عليه بيدة. كانه طفل صغير يهدهده ويحاول أن يجعله ينام .
ياسين .. انت حالتك صعبة اوي ده لسه اول يوم تعرف بحمل رحاب اومال لما ولي العهد يشرف هتعمل ايه .
يوسف .. فتح عينه بزعر علي الصوت ، في ايه وازاي تدخل المكتب كده من غير ما تستأذن .
ياسين علي اساس كنت بعملها قبل كده ،ومالك كده من امته قلبك ضعيف بالشكل ده .
يوسف فتح أحد إدراج المكتب ووضع به الحذاء وظل ينظر له بابتسامه وفرحه تخرج من عينه قبل غلقه .بكرة تجرب وتحس باحساسي أن حته منك ومن حب عمرك تجي للدنيا.
ياسين .. ربنا يسعدك يارب ويجي بالسلامه وتفرح بيه
يوسف .. يارب وان شاءالله ابارك ليك قريب.
ياسين .. يوسف متعرفش في ايه في البيت شاغل مروة كده .
يوسف .. معرفش كل ما اتصل علي ريري اطمن عليها
ماما ترد وتقول التليفونات الكتير غلط علي الحامل
اصبر لحد ما ترجع ،اتصل عليا اطمنك انا عليها .
ياسين .. ايه اللغز ده انا هجنن من ال بيحصل . الله يكون في عونك لما على كده ومانعه التليفون اومال لما ترجع البيت هتعمل ايه .
يوسف .. اعتدل بجلسته ،قصدك إيه بالكلام ده هي ماما ممكن تعمل حاجه ولا عارف ال هيحصل ومش عاوز تقول .
ياسين .. يا بني باينه زي الشمس مروة كل ما اتصل تقول عوزة اتابع ال بيحصل وبلاش اتصل عليها لحد ما ينتهي العرض ، وانت وماما رفضه انك تكلم رحاب يبق اكيد ماما بتخطط ل عمليه مهمه هتفجاءك بيها ومش بعيد كلنا هنتفاجئ .
يوسف .. ربنا يستر ،مجاش في بالي من الفرحه ماما وال هتعمله ،ربنا يستر من هيحصل.
جلس ياسين علي الكرسي الذي أمامه علي وجهه ابتسامه يراسل حبيبته .
ياسين يكتب رساله ،انا عرفت العرض ال شغلك عني . لم يجد استجابه أغلق هاتفه بغيظ ، لا دي حاجه تقرف ايه الموضوع الخطير ال شاغلها كده .
يوسف مالك يابني حصل ايه .
ياسين ست مروة مطنشاني خالص النهاردة وكل ما اتصل تكنسل ودلوقتي قفلت تلفونها .
يوسف .. سبحان الله من يومين بتشتكي من كتر ما بتتصل تتطمن عليك غير الرسائل دلوقتي زعلان أنها مش بترد .
ياسين .. مش عارف اشتغل أنا اتعوت علي جنانها ورسايلها والنكت الغريبه ال بتبعتها .
يوسف .. ربنا يهنيك يا ياسين متقلقش اكيد ماما عمله حظر عليها هي كمان خايفه علي رحاب من. التليفونات
ياسين بضيق اهو مش ورايا حاجه غير الانتظار .
-------------------&
امير جالس بمكتبه يتابع عمله كل فترة والاخري يستسرق النظر عبر جهاز اللاب توب علي سلوي السكرتيره وهي تعمل بخفه وإتقان يبتسم عليها وهي تشرب القهوة باستمتاع .
رفع سماعه الهاتف الداخلي واتصل عليها أن تحضر له فنجان قهوة .
بعد قليل دخلت عليه تحمل كاس عصير طازج .
سلوي .. تضع كاس العصير أمامه أنا قلت اجيب لحضرتك عصير فرش يهدي اعصابك بدل القهوة حضرتك شربت قهوة كتير وده غلط على صحتك .
ليبتسم لها متشكر يا مدام سلوي عندك استثناء النهاردة تخرجي بدري تستعدي للعشاء وياريت تسيبي عنوانك اعدي عليكي اخدك بطريقي .
سلوي .. تجيبه بحرج مرجعه خصله متمردة خلف أذنها سوري يا افندم بس مش هينفع حضرتك تمر عليا انا ست. قاعدة لوحدي واكيد حضرتك يعنى فاهم .
امير .. ، طبعا طبعا يا مدام سلوي خلاص نتقابل علي معاد العشاء بالفندق .
اومت سلوي تمام حضرتك وياريت تتفهم وضعي .
امير .. اكيد طبعا يا مدام سلوي مقدر كلامك ياريت تأكدي علي الحجز والمعاد وادي خبر للوفد ---- بالمعاد.
سلوي تحت امرك يا فندم بعد اذن حضرتك هرجع مكتبي انهي ال حضرتك أمرت بيه .
خرجت سلوي ليبتسم امير ويمدح في اخلاقها ،يناول كأس العصير يتناول منه لتهرب نظراته الى شاشه اللاب توب يتابعها بابتسامه
--------
عادل جالس بمكتبه يحدث نفسه يستغفر ربه كل حين وآخر .
يحدث نفسه ..عامر اكيد زعلان مني .بس انا مغلطتش دي بنتي الوحيدة مش هتطمن عليها مع خالد .أنا هعتزر لعامر مهما كان ده اب يهمه سعادة ولأده واكيد هيتفهم ليه انا رفضت .افاق من شرودة علي رنه هاتفه .
عادل . السلام عليكم
عامر .. عليكم السلام عادل ياريت تجي حالا البيت في موضوع مهم محتاجك جنبي فيه .
عادل .. فهمني يا عامر موضوع ايه المهم .
عامر .. متقلقش هتفرح اوي لما تعرف الاخبار الجديدة .
عادل .. تمام هصبر كام ساعه كمان .
عامر . . لا متتأخرش مسافه الطريق تكون في البيت.
عادل .. بقلق عامر في ايه حصل حاجه .
عامر .. لا في موضوع مهم لازم تعرفه متتأخرش.
عادل خلاص انا خارج من الشركه أن شاءالله مش هتأخر.
---------&&&&&
تجلس علياء بغرفتها حزينة زوجها لم ياتى حتى الآن لم يهاتفها لتزفر بضيق تتطلع إلى الهاتف بايديها اتقوم بالاتصال عليه تطمئن عليه وتتنازل ام تنتظر حتى يعود
علياء براحته طالما حب يمشى هو وبنت اخوه يبقى على راحته انا لوفضلت كده هطق لترتدى ملابسها وتذهب خارجا تلتقى بأحد أصدقائها
تستغل الداده ذهابها ولايوجد بالمنزل سوا صالح وهو بغرفته لتتجه حيث أخبرها كارم بيه تحضر ما إراده من أوراق ومحفظته الشخصية وتذهب بعدها مسرعه لمنزل ال الخديوى كما طلب دون أن يشعر بها أحد
________________
اخذت الجدة ملاك ومعها مروة ورحاب وحنان الذين سلموا عليها بحرارة .
مروة .. وحشاني ياموكابقالنا كتير ما قعدناش سوي
تضمها بشوق وفرحه ،جعلت ملاك تشتد في ضمها .
حنان .. مروة تبعدي عن ملاك شويه عوزين نسلم عليها احنا كمان .
بعد انتهاء من السلام مع ملاك مع اعتراض امال لحركات رحاب .لتميل آمال على رحاب قائلة اخدتى ميعاد من الدكتورة ولالسه اتلهيت في ال حصل نسيت اسالك
رحاب بهمس ميعادى معاها انهارده الساعه خمسه
آمال : وانا لسه هستنى لخمسه يالا بينا نجهز ونروح مش هقدر استنى
لتتوجه رحاب بنظراتها لعمتها طالبه الدعم فهى ترغب بالذهاب مع زوجها لرؤيته لأول مرة سويا
لتتفهم عليها عمتها سريعا وهى تتابع الموقف من البدايه لتهمس لآمال
ايه: وده وقته برضه يامال مش شايفه الوضع عامل ازاى بعدين علشان مريم كمان مش يمكن حابه تروح معاكم تطمئن على بنتها هى كمان
لتصمت آمال فلديها كل الحق هى فقط لاتطيق صبرا
تجلس الجده .محدثه ملاك . تعالي يا حبيبتي جنبي هنا .
ملاك ابتسمت وجلست جوارها .
الجده لاتعلم كيف ومن اين تبدأ الشرح لها
الجده ملاك انتي فهمه كلام الدكتور فؤاد يقصد بيه ايه
ملاك .. نظرت لها وهزت براسها بلا ..
الجده ملاك قصد الدكتور فؤاد انك هتجوزي خالد ابن عمتك مريم .
ملاك .. بصوت مهزوز هو قال اتجوزه وده هيساعدنى وهيساعده فى اننانخف بس انا مش فاهمه ازاى
الجده____
استغفروا لعلها ساعه استجابه

ملاك