صحيفة نبض الشعب الاسبوعيه رئيس التحرير جعفر الخابوري

مين هم قبيلة البشارية؟ وهل فعلا هم نسل قدماء المصريين.. من غير إختلاط بأراق تانية؟
البشارية فرع من قبيلة البجا، و البجا اولاد عم النوبيين لان جدهم الكبير هو (كوش بن كنعان بن حام بن سيدنا نوح عليه السلام) جد النوبيين، و (كوش) اخوه هو (مصرايم) جد المصريين.
قبيلة البجا او ذي ما بيحبوا يسموا نفسهم 'بداويت' ، طول عمرهم محاربين اقوياء، عندهم لياقة بدنية عالية و اجسامهم قوية جدا، بيعرفوا يتعملوا مع البيئة اللي حولهم بمهاره منقطعة النظير، كانوا في البداية يسكنوا مناطق وادي النيل، و كان الفراعنة يستعينوا بهم في الحروب و لهم دور كبير في حرب "الهكسوس" و قال عنهم (رمسيس الثاني): ميجا الرجل المحارب!! لأنهم كانوا دائما يحاربوا اي حد يهاجم مصر.
في العهد الروماني في مصر كانوا يحاربوا الرومان حرب عصابات.. يضربوا و يستخبوا لحد ما ارسل ملك الرومان جيش جرار لقتالهم، فتراجعوا من وادي النيل لجبال البحر الاحمر، لانها جبال وعرة يعرفوا يستخبوا و يناوروا فيها.. و استمروا في المناطق الجبلية دي لحد ما ظهرت المسيحية، بس اتأخرت علي ما وصلت لهم بسبب العُزلة، ود خل بعضهم فيها، و استمر الباقي علي معتقد المصرين القدماء اللي كانوا بيعبدوا (اوزيريس) و (ايزيس)، و لما دخل الاسلام مصر اتأخر وصوله لهم لنفس السبب، لكن مع اكتشاف الذهب في اراضيهم الدنيا، اتفتحت عليهم و اصبح فيه معاملات و تجارة و علاقات أخرجتهم من انعزالهم بعض الشيئ..
كان في مشاكل و صراعات بينهم و بين اهل وادي النيل، بيهجموا علي بعض و يقطعوا قوافل بعض التجارية، و البجا بتفرض ضرائب علي المرور بلاراضي اللي مسيطره عليها، و حتي لما اعتنقوا الاتنين الاسلام كان في مشاكل، لحد ما تقدم واحد اسمه (بشار بن كاهل) من قبيلة الكواهلة من نسل (الزبير بن العوام) من أمرأتين من البجا احداهما (أم ناجي) و الاخرى (أم علي).. و هو جد البشارية الاكبر!! "بشارية أم على" يسكنون الصحراء الشرقية بمصر أما "بشارية أم ناجي" فيسكنون الصحراء الشرقية بالسودان. و تتفرع "بشارية أم علي" الى عدة فروع منهم: الشينتراب و العوميراب و الهومدوراب.
البشارية اولاد بشار ابن كاهل من "ام علي" و اللي بيسكنوا في الصحراء الشرقيه و البحر الاحمر و حلايب، هاجرت لمنطقتهم قبائل تانيه ذي قبائل 'جهينة' و 'همزان' و 'كندة' و 'لخم' و 'الأزد' و 'جزام' و 'ربيعة' و 'مضر' و 'هوازن' و 'بني سليم' و بعضهم اختلط بأهلها ك'ربيعة' و'جهينة' و بعض شعوب آسيا كالهنود من خلال مرور تجارتهم عبرها و استقر فيها بعض الحجاج المسيحيين و هم في طريقهم إلى بيت المقدس من الداخل الإفريقي و الحبشة و هو ما كون التشكيلة اللي عليها أهل 'البجا' الآن.
زحفوا لوادي النيل لكن بعد بناء (السد العالي) فى أسوان، تراجعوا تاني.
البجا عموما لغتهم الاساسية هي اللغة الكوشية.. و فيها كتير من الكلمات الفرعونية، لكن للاسف ما بتتكتبش و ملهاش حروف، و ده للاسف سبب عدم توفر تاريخ مدون لهم، و كل الكتابات عنهم دونتها امم تانيه جاورتهم او اتعملت معاهم.