صحيفة نبض الشعب الاسبوعيه رئيس التحرير جعفر الخابوري

فى حوار قديم مع عملاق الفن الفنان الراحل عادل ادهم 
سالته المذيعة لو معاك شهادة تقدير حتديها لمين ؟؟؟
قالها حتستغربى 
حاديها لواحد اجنبى مش مصرى 
وحكى عن فيلم كان بيصوره فى كتدا مع طاقم العمل ...ووقت التصوير واول ما المخرج قال يالا  
كان معاهم اتنين عمال واحد مصرى وواحد كندى 
وكانوا بيصوروا الفيلم على شط بحيرة فى جو بارد جدا 
المصرى اول ما المخرج قال يالا ...كان فى بوقه سيجارة ...رماها فورا فى البحيرة  
العامل الكندى اول ما شاف المنظر خلع ملابسه وحذائه ونط فى البحيرة عام جاب السيجارة ...وطلع مبلول فى عز الساقعة ومنفعل جدا ووجه كلامه للمصرى بالانجليزى طبعا 
وقال له ليييييه ... ليييه ؟؟
انت جاى هنا توسخ الميه اللى ربنا اداها لنا ولا جاى تشتغل وتشرب معانا منها !!!
وقتها الفنان عادل ادهم وطاقم العمل فضلوا يهدوا فيه ويصالحوه   
الفنان عادل ادهم قال انا بادى شهادة التقدير للعامل الكندى ده 
وياريت انا (بدا بنفسه) وكل الناس نبطل نرمى اى شىء او نفايات فى الميه اللى ربنا بعتها لنا نضيفة عشان تفضل نضيفة نشرب منها احنا وكل اخواتنا واهلنا وولادنا ...وقال احنا نشكر الله على المياه ونشوف ازاى شعوب بتعانى من الجفاف ...وممكن شعوب تموت من نقص المياه  

رسالة عظيمة قالها الفنان الراحل من سنيين ....ولو تسمعه وهو بيتكلم حتلاحظ ازاى ان الشرير و الفتوة والبلطجى بتاع الافلام ...هو فى الواقع انسان راقى جدا مرهف الحس وعلى وعى كبير بقضايا الساعة 
الزمن الجميل ...ورسايل الفن والفنانيين المحترمين  
اللى احنا فى امس الحاجة لها النهاردة