- خد جيب اللي انت عايزه.
= أجيب لك كباب ولا جمبري؟
- والنبي ياخويا متتريقش عليا !!
= أمال اعمل ايه ؟ .. اجيب لك ايه بالنص جنيه ده ؟!
- تجيب بربع جنيه طعمية سخنة وبربع جنيه عيش مفقع.
= مفقع !!! تصدق انت فقعت مرارتي .. اتنين طوال عراض زينا كده معهمش غير ٥٠ قرش !
- يا ابني انت عايز الفلوس تعمل بها ايه؟ حاول تستمتع بالحاجات البسيطة اللي فى الدنيا، الفلوس قيمتها فى قِلتها مش فى كترتها فاهم ولا لا؟ يعني عندك لو واحد مليونير مثلاً..
= وعيان ايه فايدتهم مش كده !!؟
- لا مش كده، لو سليم وعنده الفلوس دي فى البنك قاعدة تشتغل وهو بره مش مستمتع بالدنيا قلقان على الفلوس دي، ايه المتعة فى كده! ... لكن شوف انت بقى بالنص جنيه الغلبان اللي معاك ده قدرت تجيب بيه عيش مفقع وطعمية سخنة، منتهى المتعة.
= لقيت بريزة معايا كمان.
- بسسسس يبقى حزمتين جرجير كمان .. المتعة كملت.
= تصدق ان انت هتشلني .. بقالي ٣ ايام مكلتش وماشي فى سكة الحلال بتاعتك.
- بس ضميرك مستريح .. نايم راضي و مبسوط .. والله العظيم انت من ساعة ما مشيت فى الحلال وانت وشك منور
= وشي منور ! وشي اصفررر من الجوع ... يا عم انا رايح اجيب الطعمية.
- مرسي احنا عندنا شاي ؟؟
= في تلقيمة من امبارح بس مفيش سكر.
- أحلى ، كده تقدر تتذوق نكهة الشاي الطبيعية زي الانجليز، السكر بيبوظ طعم الشاي .. وبعدين السكر ده العلماء قالوا عليه هو والملح السم الابيض، تحب تشرب الشاي بـ سم ولا من غير سم ؟
- عباس الابيض في اليوم الاسود
موضوع: صحيفة جعفر الخابوري الاسبوعيه رئيس التحرير جعفر الخابوري 
السبت سبتمبر 16, 2023 5:31 am