صحيفة نبض الشعب الاسبوعيه رئيس التحرير جعفر الخابوري

_ايه بقى الاخبار الخطيرة اللى عندك يا استاذ حسن ؟
_حضرتك عارف مصنع البلاستك اللى فى الطريق الصحراوى عند الكيلو 38
_ايوة عارفه
_بكرة الساعة 10 ونص المصنع ده هايولع النار هاتشعلل فيه
_ومين بقى اللى هايولعه يا اخ حسن ظ؟
_والله انا اللى اعرفه انه هايولع .... انما مين بقى دى مهمة حضراتكم .. سلام عليكم
_استنى ... عرفت ازاى ان المصنع هايولع
_بلاش السؤال ده لانى مش هجاوب عليه .. انا عرفت واتأكدت وخلاص ومستعد اتحمل عقوبة البلاغ الكاذب وازعاج السلطات لكن تسألنى عرفت ازاى وقت حضرتك هايضيع وجايز المصنع يتحرق واحنا هنا قاعدين
_واضح انك متعلم يا استاذ حسن
_بكارليوس تجارة
_الوظيفة ؟
_عاطل
_وعاطل ليه يا حسن ؟
_زى ناس كتير غيرى اصل انا اشتغلت كام شغلانة كدة وبعدين سبتهم او بمعنى اصح هما سابونى كنت دايما اتخانق مع الرؤساء
_ده انت مشاغب بقى
_ده كان زمان فى المدرسة
_مصلحتك ايه تبلغ عن الحريق
_مصلحتى ايه ؟؟ لما المصنع هايتحرق عدد العاطلين اللى زيي هايزيد .. اربعين خمسين مليون جنيه هاتكلهم النار .. شوف بقى المبلغ ده يفتح كام بيت ولمدة قد ايه .. وجاى حضرتك تقول لى مصلحتك ايه ؟؟!!!
_يعنى قلبك على مصلحة البلد ؟؟
_بالظبط كدة
_عرفت ازاى ان المصنع هايتحرق ؟؟
_لو قلت لك مش هاتصدقنى
_قول هصدقك
_فى الحلم ... شفت فى الحلم ان المصنع هايتحرق بكرة الساعة 10 ونص بالليل .... 10 ونص بالظبط

#اللعب_مع_الكبار